Que é Europe Direct Galicia?
EUROPE DIRECT Galicia é un dos centros oficiais de información da Unión Europea en Galicia, xestionado pola Fundación Galicia Europa co apoio da Comisión Europea para o período 2026-2030. Forma parte da rede EUROPE DIRECT en España, integrada á súa vez nunha rede europea de centros presentes en toda a Unión que actúan como principal punto de contacto entre a UE e a cidadanía.
O noso propósito é conectar Europa con Galicia, explicar de maneira clara como as políticas e decisións da UE son parte da nosa realidade, achegar á cidadanía as oportunidades que ofrece a UE e crear espazos para informarse, participar e dialogar sobre o proxecto europeo.
EUROPE DIRECT Galicia é o primeiro EUROPE DIRECT de ámbito autonómico na nosa rexión e e traballa desde unha perspectiva próxima ao territorio, tendo en conta a realidade social, económica e cultural galega e a súa dimensión transfronteiriza con Portugal.
Que facemos?
Achegamos Europa a Galicia a través da información, as oportunidades, a participación e o diálogo.
Información
Informamos sobre Europa de forma clara, útil e próxima e resolvemos as dúbidas da cidadanía sobre cuestións relacionadas coa UE.
Achegamos as oportunidades que ofrece Europa.
Oportunidades
Creamos e promovemos espazos para falar e participar en Europa.
Participación
Traballamos con docentes, entidades e profesionais para achegar Europa a máis persoas.
Formación e colaboración
Para quen?
EUROPE DIRECT Galicia está aberto a todas as persoas interesadas en coñecer mellor a Unión Europea: estudantes, docentes, profesionais, entidades sociais, medios de comunicación e cidadanía en xeral.